திருடிய வீட்டில் உரிமையாளருக்கு முத்தம் கொடுத்த திருடன்!

அமெரிக்காவின் சேர்ந்த ரிச்சர்ட் டீன் டெபியூடிஸ்  என்னும் 32 வயதுடையவர் வீடுகளில் திருடுவதை  தொழிலாக கொண்டுள்ளார். இந்நிலையில், போர்ட் லேண்டில் உள்ள வீட்டிற்கு திருட சென்ற ரிச்சர்ட், அங்கு உள்ள ஒவ்வொரு அறைகளிலும் இருந்து விலையுயர்ந்த பொருட்களை திருடியுள்ளார். பின்னர், களைப்பு ஏற்பட்டதன் காரணமாக வீட்டு உரிமையாளர் அறைக்கு சென்று, தனது ஆடைகளை களைந்த அவர் உரிமையாளர் அருகிலேயே படுத்துள்ளார். மேலும், பாதுகாப்பிற்கு கத்தி ஒன்றை மட்டும் தனது அருகில் வைத்திருந்துள்ளார், அதிகாலை கண்விழித்த ரிச்சர்ட் தன்னை அறியாமல் வீட்டு உரிமையாளரின் கன்னத்தில் முத்தமிட்டுள்ளார்.  இதனால் திடுக்கிட்டு எழுந்த வீட்டு உரிமையாளர் அச்சத்தில் அலறியுள்ளார், பின்னர் தன்னிடமிருந்த துப்பாக்கியை எடுத்து ரிச்சர்ட்டை நோக்கி சுட்டுள்ளார். ஆனால் எவ்வித காயமுமின்றி ரிச்சர்ட் தப்பியுள்ளார், இந்த சம்பவம் நடைபெற்று சில நாட்களுக்கு பிறகு, இவர் வேறொரு வீட்டில் திருடிக்கொண்டிருக்கையில் வசமாக சிக்கியுள்ளார்.  அப்போதுதான் பொலிஸ் விசாரணையின் போது மேற்கூறிய தகவல்களை அளித்துள்ளார்.