பார்த்தவுடன் தானாகவே அழியக்கூடிய வீடியோ மற்றும் புகைப்படம் போன்றவற்றை வைபரிலும் அனுப்பலாம்..!

நீங்கள் வைபர் சேவையை பயன்படுத்துபவர் எனின் உங்களாலும் இந்த வசதியை அனுபவிக்க முடியும்.

வாட்ஸ்அப் போன்றே வைபர் சேவையும் அதிகமான பயனர்களால் பயன்படுத்தப்பட்டு வரும் ஒரு சேவையாகும். வைபர் செயலியின் அண்மைய மேம்படுத்தலில் நீங்கள் அனுப்பிய தகவல் ஒன்றை பெற்றுக் கொண்டவரின் மொபைல் சாதனத்தில் இருந்து நீக்கிக் கொள்வதற்கான வசதியை வைபர் நிறுவனம் அறிமுகப்படுத்தியிருந்தது.

இவ்வாறு பெறுபவர் குறிப்பிட்ட புகைப்படத்தை அல்லது வீடியோவை பார்த்ததன் பின் தானாக அழியும் படி அமைத்துக்கொள்ள வைபர் தரும் விங்க் (Wink) எனும் செயலியை நீங்கள் பயன்படுத்த வேண்டும்.

இந்த செயலியின் மூலம் புகைப்படங்களை பிடித்து அதில் நீங்கள் விரும்பும் வாசகங்களை எழுதவும் முடியும். பின் குறிப்பிட்ட செயலியின் வலது கீழ் மூலையில் தரப்பட்டிருக்கும் Send என்பதை அழுத்தும் போது உங்கள் ஸ்மார்ட் போனில் நிறுவப்பட்டுள்ள வைபர் செயலி திறக்கும் இனி அதன் மூலம் குறிப்பிட்ட புகைப்படத்தை நீங்கள் விரும்பும் நபருக்கு அனுப்ப முடியும்.