மட்டக்களப்பு மண்முனை வடக்கு பிரதேச செயலக பிரிவுக்குட்பட்ட ஊறணி கிராமத்தல் இடம்பெற்ற கலாசார புத்தாண்டு நிகழ்வுகள்

( என்டன்)

மண்முனை வடக்கு பிரதேச செயகமும் கலாசார மற்றும் கலை அலுவல்கள் திணைக்களமும் இணைந்து நடாத்திய கலாசார புத்தாண்டு   கலை  நிகழ்வுகள் தொடர்பாக எதிர்கால சந்ததியினருக்கு தெளிவூட்டும் நிகழ்வாக  இன்று இடம்பெற்றது .

மட்டக்களப்பு  மண்முனை வடக்கு பிரதேச செயலக கலாசார அதிகார சபையினால் ஒழுங்கமைக்கப்பட்ட கலாசார சித்திரை புதுவருட நிகழ்வு இன்று மட்டக்களப்பு மண்முனை வடக்கு பிரதேச செயலக பிரிவுக்குட்பட்ட ஊறணி கிராமத்தல் மண்முனை வடக்கு பிரதேச செயலாளர் வி .தவராஜா தலைமயில் இடம்பெற்றது .  

இந்நிகழ்வு   ஊறணி அரிய ரெட்ணம் இல்லத்தில் இடம்பெற்ற   தமிழ் பாரம்பரிய கலாசார நிகழ்வில் பாரம்பரிய முறைகளின் ஒன்றான  பெரியோறினால் குடும்பத்தாருக்கு  மறுத்து நீர் வைத்து நீராடியதன் பின் புத்தாடை அணிந்து  பெரியோர்களை வணங்கி கைவிசேடம் பெற்றுக்கொள்ளும் நிகழ்வு இடம்பெற்றது .

அதன் பின் பாரம்பரிய உணவுகள் தயாரிக்கப்பட்டு உணவுகள் பரிமாறப்பட்டதுடன், கலை கலாசார விளையாட்டு நிகழ்வுகளும்  இடம்பெற்றது .

இந்த புத்தாண்டு சிறப்பு நிகழ்வில் உரையாற்றிய பிரதேச செயலாளர் தெரிவிக்கையில் இன்றைய காலகட்டத்தில் நாங்கள் மிக வேகமாக ஓடிகொண்டிருகின்றோம் .

எம்முடைய கலை கலாசாரங்களை நாங்கள் மறந்து இளம் சந்ததியினருக்கு சித்திரை புத்தாண்டு என்றால் என்ன அதிலே நடைபெறுகின்ற சம்பவங்கள் என்ன என்பது கூட தெரியாமல் வாழ்ந்து கொண்டிருக்கின்றார்கள் .

இந்த நிலையை இவ்வாறு விட்டுவிட கூடாது என்பதற்காகவும் , பாரம்பரிய தமிழ் சித்திரை புதுவருடம் என்பதனுடைய அடிப்படை அம்சங்கள் என்ன , அதனை எவ்வாறு ஊரெல்லாம் கூடி மகிழ்ந்திருக்கின்றது என்பதனை உணர்த்துகின்ற வகையிலே இந்த தமிழ் சித்திரை வருட புத்தாண்டு நிகழ்வு இடம்பெற்றது .  

நம்முடைய கலாசார உறவு முறைகளை மறந்து  உறவுகளுக்கு கொடுத்த மதிப்பு இழந்து  வருகின்றோம் . இதன் காரணமாக தான் பல இடங்களில் பல பிரச்சினைகளாக சிறுவர் துஸ்பிரயோகம் , பெண்களுக்கான வன்முறைகள் இடம்பெற்று வருகின்றது .

இதற்கு எல்லாம் காரணமாக இருப்பது உறவு  முறைகளுக்கு  கொடுக்கின்ற மதிப்பை குறைத்தது காண்பது தான் . எங்களுடைய பாரம்பரிய கிராம கலை கலாசார உறவு முறைகளை மறந்து தனித்தனி மனிதர்களாக வாழத்தொடங்கி விட்டோம் , அதனை நாங்கள் மாற்றி நல்ல குடும்பமாக , அன்பான குடும்பமாக , நல்லகிராமமாக , அன்பான சமுதாயமாக மாறி எங்களுடைய கலை கலாசார பண்பாட்டு விளும்பியங்களை  எதிர்கால சந்ததியினரு அறியப்படுத்த வேண்டும் என்ற வகையில் இந்த கலாசார நிகழ்வு இடம்பெற்றதாக தெரிவித்தார் .

இந்நிகழ்வில் கிராம அபிவிருத்தி சங்கத்தின் தலைவர் ,செயலாளர் , சமுர்த்தி உத்தியோகத்தர்கள், கிராம சேவை உத்தியோகத்தர்கள் , ,கலாசார அதிகார சபை உறுப்பினர்கள் ,சமுதாய சார் சீர்திருத்த அபிவிருத்தி உத்தியோகத்தர்கள்  ,சமுர்த்தி முகாமையாளர்கள் மற்றும் கிராம மக்கள் என பலர் கலந்துகொண்டனர் .