விளம்பரங்களில் நடித்த நடிகர்களின் மீது வழக்கு

நெஸ்லே நிறுவனத்தின் தயாரிப்பான மேகி நூடுல்ஸை உத்தர பிரதேச அரசு அம்மாநிலத்தில் தடை செய்துள்ளது. மேகி நூடுல்ஸில் சோடியம் குளூடாமெட் என்ற ரசாயன உப்பு அனுமதிக்கப்பட்ட அளவைவிட 17 மடங்கு அதிக அளவில் இருப்பதை அம்மாநில உணவு பாதுகாப்பு அதிகாரிகள் கண்டறிந்ததைத் தொடர்ந்து இந்தத் தடை நடவடிக்கை எடுக்கப்பட்டது. மேலும், நெஸ்லே இந்தியா உள்பட 5 நிறுவனங்களின் மீது வழக்கும் தொடரப்பட்டுள்ளது.

மேகி நூடுல்ஸ் விளம்பரத்தில் நடித்த அமிதாப்பச்சன், மாதுரி தீட்ஷித், ப்ரீத்தி ஜிந்தா ஆகியோர் மீதும் வழக்கு தொடரப்பட்டுள்ளது. பொதுமக்களின் உடல் நலத்துக்கு தீங்கு விளைவிக்கும் பொருளின் விளம்பரப் படத்தில் நடித்ததுடன், அது உடலுக்கு நல்லது என்று பிரச்சாரம் செய்தனர் என வழக்கு தொடர்பான மனுவில் உத்திரபிரதேச அரசின் மாநில மருந்து கட்டுப்பாட்டு அமைப்பு குறிப்பிட்டுள்ளது.