Breaking News

மாமாவுடன் சேர்ந்து நடிக்க மாட்டேன்- தல மச்சினிச்சி ஷாமிலி அதிரடி

அஜீத்துடன் இணைந்து நடிக்க வேண்டும் என்று நேற்று வந்த நடிகைகள் கூட ஆசைப்பட "நான் என் மாமாவுடன் சேர்ந்து ஒருபோதும் நடிக்க மாட்டேன்" என்று அழுத்தம் திருத்தமாகத் தெரிவித்திருக்கிறார் அஜீத்தின் மச்சினி ஷாமிலி. நடிகை ஷாலினியின் தங்கை ஷாமிலி தற்போது விக்ரம் பிரபுவுடன் வீர சிவாஜி மற்றும் துரை.செந்தில்குமாரின் பெயரிடப்படாத படம் ஆகியவற்றில் ஹீரோயினாக ஒப்பந்தமாகியிருக்கிறார். மேலும் தெலுங்கு, மலையாளம் போன்ற மொழிகளிலும் ஷாமிலி ஹீரோயினாக நடிக்க பேச்சு வார்த்தைகள் நடந்து கொண்டிருக்கின்றன. இந்நிலையில் சமீபத்தில் ஷாமிலி அளித்த பேட்டியில் மாமா அஜீத்துடன் எப்போதும் சேர்ந்து நடிக்க மாட்டேன் என்று கூறியிருக்கிறார். ஒருவேளை அவரின் படங்களில் ஏதேனும் சிறப்புத் தோற்றங்களில் நடிக்கும் வாய்ப்புகள் வந்தால் பார்க்கலாம், ஆனால் எப்போதுமே அவருடன் ஜோடியாக நடிக்க மாட்டேன். மாமா மிகவும் அமைதியாக இருப்பார் அவருடன் இருக்க எல்லோருமே விரும்புவார்கள். அவரைப் பொறுத்தவரை வீடு மற்றும் சமையல் போன்றவற்றை மிகவும் விரும்புவார். சமீபத்தில் அவர் என்னை வைத்து போட்டோ ஷூட் நடத்தியது என்னால் மறக்கவே முடியாது" என்று மாமாவைப் பற்றி புகழ்ந்து தள்ளியிருக்கிறார் ஷாமிலி.