இது ஒரு பெண் ரோபோ என்றால் நம்புவீர்களா ??

இதுவரை உருவாக்கப்பட்ட மனித வடிவான ரோபோக்களிலேயே அச்சு அசலாக பெண்ணொருவரைப் போன்ற தோற்ற அமைப்பையும் செயற்பாட்டையும் வெளிப்படுத்தும் ரோபோவொன்றை வடிவமைத்துள்ளதாக சீன ரோபோ வடிவமைப்பாளர் ஒருவர் உரிமை கோரியுள்ளார். ஜியா ஜியா என பெயர் சூட்டப்பட்ட இந்த ரோபோ 'பெண் கடவுள்' என செல்லமாக அழைக்கப்படுகிறது. 

கவர்ச்சிகரமான பெண் உருவில் வடிவமைக்கப்பட்டுள்ள இந்த ரோபோ, பெண்ணொருவரை போன்று கச்சிதமாக கண் அசைவு மற்றும் உதட்டசைவு என்பவற்றையும் முக பாவனைகளையும் வெளிப்படுத்துகிறது. இந்த ரோபோவை சீன விஞ்ஞான தொழில்நுட்ப பல்கலைக்கழகத்தைச் சேர்ந்த சென் ஸியோபிங் வடிவமைத்துள்ளார். இந்த ரோபோ மனிதர்களின் பேச்சு மற்றம் உடல் பாவனைகளைப் புரிந்து அவற்றுக்கு ஏற்ப பிரதிபலிப்புகளை வெளிப்படுத்தும் மென்பொருள் நிகழ்ச்சித் திட்டத்தை உள்ளடக்கி வடிவமைக்கப்பட்டுள்ளமை குறிப்பிடத்தக்கது.