பாலிவுட்டுக்கு போகும் கபாலி ரஜினியின் வேடத்தில் அமிதாப்?

ரஜினியும் அமிதாப்பச்சனும் நீண்ட கால நண்பர்கள். அமிதாப்பச்சன் ஹிந்தியில் நடித்த பல திரைப்படங்கள், தமிழில் ரஜினிகாந்தின்  நடிப்பில் வெளியாகியுள்ளது. அதேபோல், ரஜினியின் சில படங்களும், ஹிந்தியில் அமிதாப்பின் நடிப்பில் உருவாக்கப்பட்டுள்ளது.

அதுவெல்லாம் பழைய கதை. தற்போது கபாலி ஹிந்தி ரீமேக்கில் அமிதாப்பை நடிக்க வைக்க முயற்சிகள் நடப்பதாக தெரிகிறது. கபாலி படத்தின் வசூலைக் கண்டு பிரமித்த பாலிவுட் உலகம், கபாலியியை ஹிந்தியில் எடுக்க திட்டமிட்டுள்ளது.

ரஜினி வேடத்தில், அமிதாப்பச்சன் நடித்தால் சரியாக இருக்கும் என்பது பலரும் கருதுவதாக தெரிகிறது. இது தொடர்பாக அமிதாப்பிடம் பேச்சு வார்த்தை நடத்தப்படும் எனத்தெரிகிறது.