சிறப்பாக தற்கொலை செய்வது எப்படி? 89 வெப்சைட்டுகளை ஃரெபர் செய்து உயிரை மாய்த்த பெங்களூர் பெண்

3வது மாடியில் இருந்து கீழே குதித்து தற்கொலை செய்து கொண்ட பெங்களூரை சேர்ந்த பேஷன் டிசைனர், சிறப்பான வகையில் தற்கொலை செய்துகொள்வது எப்படி என்பது குறித்து 2 நாட்களாக தனது ஸ்மார்ட் போன் வழியாக இணையதளங்களில் தேடுதல் வேட்டை நடத்தியுள்ள தகவலை தடயவியல் ஆய்வு மையம் அம்பலப்படுத்தியுள்ளது. இரு நாட்களில் அவர் மொத்தம் 89 வெப்சைட்டுகளை ஃரெபர் செய்துள்ள தகவல் சமூக ஆர்வலர்களை அதிர்ச்சிக்குள்ளாக்கியுள்ளது.

பேஷன் டிசைனர் பெங்களூரை சேர்ந்த 26 வயது பேஷன் டிசைனர் இஷா கன்டா கடந்த ஞாயிற்றுக்கிழமை இரவு 8.30 மணியளவில் ஹெச்.எஸ்.ஆர். லே-அவுட்டிலுள்ள ஷோபா கிளாசிக் என்ற 13 மாடி கொண்ட அடுக்குமாடு குடியிருப்பின் மேலிருந்து குதித்து தற்கொலை செய்துகொண்டார்.