பிரபல ஆடைக்கடைக்குள் செக்ஸ் :வீடியோ வெளியானதால் பரபரப்பு
பிரபல ஆடைக்கடைக்குள் செக்ஸ் :வீடியோ வெளியானதால் பரபரப்பு
சீனாவிலுள்ள பிரபல ஆடை விற்பனை நிலையமொன்றில் வாடிக்கையாளர்கள் ஆடை அளவு பார்க்கும் அறையில் ஆபாசப்பட வீடியோ பதிவுசெய்யப்பட்டு இணையத்தில் வெளியிடப்பட்டமை பரபரப்பை ஏற்படுத்தியுள்ளது. சீனத் தலைநகர் பெய்ஜிங்கிலுள்ள யுனிக்கோ எனும் ஆடை விற்பனை நிலையத்தின் அறையில், இளம் ஜோடியொன்று நிர்வாண கோலத்தில் பாலியல் உறவில் ஈடுபட்ட காட்சி மேற்படி வீடியோவில் பதிவாகியுள்ளது. சீனாவின் சமூக வலைத்தளங்களிலும் இந்த வீடியோ வெளியிடப்பட்டு பெரும் எண்ணிக்கையானோரால் பார்வையிடப்பட்டு, பகிரப்பட்டமை சர்ச்சையை ஏற்படுத்தியது. பேஸ்புக், டுவிட்டர் போன்ற மேற்குலக சமூகவலைத்தளங்களை சீனாவில் பொதுமக்கள் பயன்படுத்த முடியாது. அந்நாட்டில் பயன்படுத்தப்படும் சமூக வலைத்தளங்களிலேயே இந்த வீடியோ பகிரப்பட்டுள்ளமை குறிப்பிடத்தக்கது. ஆடை மாற்றும் அறையில் வேண்டுமென்றே பாலி யல் வீடியோ உருவாக்கப்பட்டு அதிகமாக பகிரப்பட்டமையானது சோசலிச பெறுமானங்களுக்கு எதிரானது என சீன அதிகாரிகள் விமர்சித்துள்ளனர். சீனாவின் இணைய நிர்வாகத்துறை அதிகாரிகள், அந்நாட்டின் பிரதான சமூக வலைத்தள சேவை வழங்குனர் நிறுவனங்களின் உயர் அதிகாரிகளை அழைத்து இவ்விடயம் குறித்து கலந்துரையாடியுள்ளனர். இதேவேளை, சந்தைப்படுத்தல் பிரசார நோக்கங்களுக்காக இந்த வீடியோ பதிவுசெய்யப்பட்டு வெளியிடப்பட்டதாக சுமத்தப்படும் குற்றச்சாட்டுகளை யுனிக்கோ நிறுவனம் மறுத்துள்ளது. ஒரு பொறுப்புள்ள சர்வதேச வர்த்தக நாமம் என்ற வகையில் சமூக ஒழுக்க விழுமியங்களை மதித்து செயற்பட வேண்டுமென நாம் எமது வாடிக்கையாளர்களிடம் கோருகிறோம்" என அந்த நிறுவனம் தெரிவித்துள்ளது.