தனது இளம் வயது காதலியை நினைத்து ஏங்கும் தோனி!!

இந்தியாவின் சாதனை தலைவரான டோனியின் வாழ்க்கையை மையமாக வைத்து எம்.எஸ் தோனி அன்டோல்டு தோனி என்ற பெயரில் திரைப்படம் எடுக்கப்பட்டுள்ளது. செப்டம்பர் 30ம் தேதி இப்படம் வெளியாக உள்ளது. இதில் டோனியின் இளவயது காதலி பற்றியும் இடம்பெற்றிருப்பதாக கூறப்படுகிறது. டோனி தனது 20வது வயதில் பிரியங்கா ஜா என்பவரை காதலித்துள்ளார்.

இருவரும் காதல் வானில் சிறகடித்து பறந்து கொண்டிருந்த நேரத்தில் தான் டோனி, (2003- 04) கென்யா, ஜிம்பாப்வே சென்ற ஏ அணிக்கு தேர்வாகி இருந்தார். இதைத் தொடர்ந்து பாகிஸ்தான், கென்யா அணிகள் பங்கேற்ற முத்தரப்பு தொடரிலும் விளையாடினார்.

காதலி கொடுத்த உற்சாகத்தில் 6 போட்டியில் 2 சதம் உட்பட 362 ரன்கள் குவித்து அப்போதைய அணித்தலைவர் கங்குலியின் பார்வையை தன் பக்கம் திருப்பினார்.இந்நிலையில் காதலி பிரியங்கா ஜா ஒரு சாலை விபத்தில் மரணமடைய நாடு திரும்பிய டோனி, மிகவும் துவண்டு போனார். ஒரு ஆண்டு கிரிக்கெட் பக்கம் தலைவைத்து கூட படுக்கவில்லை.

பின்னர் இந்த சோகத்தில் இருந்து மீண்ட டோனி விசாகப்பட்டினத்தில் பாகிஸ்தானுக்கு எதிராக 148 ரன்கள் எடுத்து மீண்டும் கவனம் ஈர்த்தார். இதன் பின்னரே சாக்க்ஷியை சந்தித்த டோனி அவரை மணந்து கொண்டார். டோனியின் இந்த கதை படத்தில் இணைக்கப்பட்டுள்ளதாம்.